Back-up SMF Forum

[DreamzaaClub^^]

ຂໍຖາມວິທີການແບກອັບ SMF Forum ແນ່ວ່າ Back up ແຕ່ Folder ທີ່ເກັບ Forum ​ເຮັດ​ແນວ​ໃດ ​ແບ​ບວ່າ​ມັນ​ຈະ​ບີບ​ເປັນ File ZIP ​

[au໘ust]

ມັນຕ້ອງເຮັດທັງສອງຢ່າງ ທັງໃນສ່ວນຂອງໄຟລ໌ ແລະຖານຂໍ້ມູນ

- ສ່ວນຂອງໄຟລ໌:
ມີຫຼາຍວິທີ ຈະດາວໂຫຼດມາໄວ້ທັງໝົດຜ່ານ FTP client ກໍໄດ້ ຫຼືຫາກວ່າ Control panel ຂອງ Hosting ທີ່ໃຊ້ນັ້ນ ມີ File Manager (ເຊັ່ນໃນ cPanel ຫຼື DirectAdmin) ກໍຈັດການໃຫ້ compress ເປັນ zip ຫຼື tar ໄວ້ກ່ອນ ແລ້ວດາວໂຫຼດມາເກັບໄວ້ ວິທີຫຼັງຈະປະຢັດເວລາກວ່າ ເພາະໄຟລ໌ຂອງ SMF ມີສອງສາມພັນໄຟລ໌ ການດາວໂຫຼດຜ່ານ FTP ຈະໃຊ້ເວລາດົນຫຼາຍ.

- ສ່ວນຂອງຖານຂໍ້ມູນ
ຖານຂໍ້ມູນຫຼື database ສຳຄັນຫຼາຍ ຄວນໝັ່ນສຳຮອງໄວ້ຢູ່ເລື້ອຍ ໆ ໂດຍວິທີທີ່ງ່າຍທີ່ສຸດແມ່ນເຂົ້າ phpmyadmin ແລ້ວ export ຕາຕະລາງທັງໝົດທີ່ຂຶ້ນຕົ້ນດ້ວຍ smf_ (ຫຼືແລ້ວແຕ່ທີ່ຕັ້ງຊື່ໄວ້ຕອນຕິດຕັ້ງທຳອິດ) ເກັບໄວ້ເປັນ zip ຫຼື gzip. ເວລາໃຊ້ກໍ import ກັບເຂົ້າໄປ.