ຫຼັງຈາກທີ່ງຽບຫາຍໄປດົນພໍສົມຄວນ ທາງທີມງານ SMF ກໍໄດ້ປະກາດອອກ SMF ລຸ້ນໃໝ່ຫຼ້າສຸດໃນສາຍ 2.x ນັ້ນຄື SMF 2.0 RC2 ອອກມາ ເຊິ່ງກໍຍັງເປັນເວີຊັນທີ່ບໍ່ສະຖຽນເທື່ອ ຍັງຕ້ອງມີການປັບປຸງກັນຕໍ່ໄປ ແຕ່ຢ່າງໃດກໍຕາມ ທາງ LaoSMF.com ກໍຈັດການອັບເດດໄປໃຊ້ເວີຊັນຫຼ້າສຸດຮຽບຮ້ອຍ ພ້ອມທັງນຳໃຊ້ theme ໃໝ່ ນັ້ນຄື “Curved” ເຊິ່ງກໍມີຮູບຮ່າງໜ້າຕາສີສັນທີ່ສວຍງາມພໍສົມຄວນ.
ໃນເວີຊັນນີ້ນອກຈາກຈະມີ theme ໃໝ່ດັ່ງທີ່ກ່າວໄປແລ້ວ ກໍຍັງໄດ້ຮັບການແກ້ໄຂສາລະພັດຢ່າງຈາກເວີຊັນກ່ອນໜ້ານີ້ ບໍ່ວ່າຈະເປັນ:
- emoticon ແບບໃໝ່ 3 ແບບ
- ປັບປຸງລະບົບຖານຂໍ້ມູນໃໝ່ ໃຫ້ສາມາດເຮັດວຽກໄດ້ໄວຂຶ້ນ ໂດຍການປ່ຽນຮູບແບບວິທີເກັບຂໍ້ມູນຫຼາຍຢ່າງ
- ເພີ່ມລະບົບລິ້ງແບບຕ່າງໆ ເພື່ອຜົນທາງ SEO ທີ່ດີຂຶ້ນ
- ສາມາດໃຊ້ readme ໄດ້ຫຼາຍໆ ພາສາ
- ສາມາດລຶບພາສາທີ່ບໍ່ຕ້ອງການອອກໄດ້ຜ່ານທາງ admin panel
- ສຳລັບໃຜທີ່ໃຊ້ Lighttpd ຕອນນີ້ກໍຮອງຮັບລະບົບ Queryless urls ແລ້ວ
- ປັບປຸງລະບົບສະແດງຜົນສຳລັບພາສາທີ່ຂຽນຈາກຂວາຫາຊ້າຍ
- ແກ້ໄຂລະບົບລັອກອິນຜ່ານ OpenID
- ເພີ່ມຊ່ອງຂໍ້ຄວາມພິເສດສຳລັບໂປຣໄຟລ໌
- ປັບປຸງ theme ໃໝ່ເພື່ອໃຫ້ເປັນໄປຕາມມາດຕະຖານທີ່ດີຂຶ້ນ
- ຍ້າຍໄຟລ໌ JS ອອກຈາກ theme ບາງສ່ວນ
- ໃນ WAP2 ມີລິ້ງກັບໄປໂຫມດປົກກະຕິແລ້ວ
ແລະກໍຍັງມີຄວາມປ່ຽນແປງຕ່າງໆ ອີກຫຼວງຫຼາຍຮວມແລ້ວກວ່າ 960 ຈຸດ ເຮັດໃຫ້ changlog ຍາວເປັນຫາງວ່າວ.
ສຳລັບທ່ານໃດທີ່ສົນໃຈດາວໂຫຼດໄປທົດລອງແມ່ນເຂົ້າໄປເບິ່ງໄດ້ເລີຍທີ່ໜ້າດາວໂຫຼດ
http://download.simplemachines.org/
