ຈາກໃນກະທູ້
http://laosmf.com/index.php/topic,36.msg147/topicseen.html#msg147 ມື້ນີ້ມາແນະນຳ Mod ທີ່ຈະເຮັດໃຫ້ເຮົາສາມາດໃຊ້ icon ຮູບພາບໃນແຕ່ລະໝວດໃຫ້ແຕກຕ່າງກັນໄດ້ ເຊິ່ງ Mod ທີ່ວ່າກໍຄື cbi v0.5 ນັ້ນເອງ ສາມາດໃຊ້ໄດ້ກັບ SMF 1.1 RC2, 1.1 RC3, 1.1, 1.1.1, 1.1.2, 1.1.3, 1.1.4, 1.1.5, 2.0 Beta 3 Public, 2.0 Beta 3.1 Public, 2.0 RC1-1, 2.0 RC2 .. ກໍປະມານວ່າ ທຸກເວີຊັນຕອນນີ້ເລີຍ ຫະຫະ
ການຕິດຕັ້ງສາມາດເຮັດໄດ້ຜ່ານ package manager ຕາມປົກກະຕິໃນກໍລະນີໃຊ້ theme ມາດຕະຖານ ແຕ່ຫາກໃຊ້ theme ອື່ນໆ ນອກຈາກ default theme ໃຫ້ແກ້ໄຂເອົາເອງເນີ້ ໂດຍການເຂົ້າໄປທີ່
http://custom.simplemachines.org/mods/index.php?mod=511 ແລ້ວເບິ່ງຂວາມື Manual Install Instructions for SMF ຈັດການເລືອກເວີຊັນຂອງ SMF ທີ່ໃຊ້ຢູ່ ແລ້ວຄລິກ Parse ກໍຈະມີໜ້າໃໝ່ຂຶ້ນມາບອກວ່າ ໃຫ້ຊອກຫາໄຟລ໌ໃດ ແຖວທີ່ເທົ່າໃດ ແລ້ວແທນ code ດ້ວຍຫຍັງແດ່
ຫຼັງຈາກຕິດຕັ້ງແລ້ວໆ ໃຫ້ສ້າງໂຟນເດີໃໝ່ໃນ FTP ໃນໂຟນເດີ /Themes/default/ ໃສ່ຊື່ໂຟນເດີໃໝ່ນີ້ວ່າ
icons ຈາກນັ້ນໃຫ້ສ້າງໂຟນເດີຍ່ອຍໃນໂຟນເດີ icons ເຊິ່ງໂຟນເດີຍ່ອຍທີ່ຈະສ້າງນີ້ ໃຫ້ອີງຕາມ ID ຂອງໝວດທີ່ເຮົາຈະໃຊ້ ໂດຍວິທີການຊອກ ID ຂອງໝວດນັ້ນ ໃຫ້ເບິ່ງຢູ່ URL ຂອງໝວດ ເຊັ່ນເຮົາເຂົ້າໝວດ “ການປັບແຕ່ງ ແລະລູກຫຼິ້ນເສີມໃນ SMF” ໃນເວັບ laosmf.com ຈະເຫັນວ່າ URL ແມ່ນ
http://laosmf.com/index.php/board,5.0.html ແລະ ID ຂອງໝວດນີ້ຄື 5 ນັ້ນເອງ ກໍໃຫ້ສ້າງໂຟນເດີຍ່ອຍວ່າ 5 (ເລກ 5 ໂຕດຽວ) ແລ້ວເອົາໄຟລ໌ຮູບຂອງໝວດ 5 ໃສ່ເຂົ້າໄປ ເຊິ່ງມີ 3 ໄຟລ໌ສຳລັບໄຟລ໌ຮູບໄອຄອນໝວດ ຄື:
1. ໄຟລ໌ on.png
2. ໄຟລ໌ on2.png
3. ໄຟລ໌ off.png
ໄຟລ໌ທຳອິດນັ້ນ ໃຊ້ໃນເວລາມີກະທູ້ໃໝ່, ໄຟລ໌ທີສອງ ໃຊ້ໃນເວລາມີກະທູ້ໃໝ່ທີ່ຍັງບໍ່ໄດ້ອ່ານ (ຖ້າຈື່ບໍ່ຜິດ) ແລະ 3ແມ່ນ ໄຟລ໌ off.png ໃຊ້ໃນເວລາທີ່ກະທູ້ໃນໝວດນັ້ນບໍ່ມີກະທູ້ໃໝ່... ຟັງແລ້ວສັບສົນແມ່ນບໍ່? ປົກກະຕິແລ້ວກໍໃສ່ອັນດຽວກັນໝົດຫັ້ນລະ ປ່ຽນແຕ່ຊື່ ຫະຫະ ແບບວ່າຂີ້ຄ້ານ ..
ອ່າ.. ບໍ່ຄຶດວ່າຈະຂຽນມາຍາວຂະໜາດນີ້ ເຈັບນິ້ວເດ້ - -'
ກະທູ້: [MOD] cbi v0.5 (Custom Board Icons) ປ່ຽນຮູບສຳລັບແຕ່ລະໝວດ (ອ່ານ 870 ເທື່ອ)
